by de simmerûnieding fan Wetsens !

Diel Trije




 Links sjogge jo in boarterstún.   De bern seage ús al kommen en joue no in demonstraasje fan wat sy kinne mei it toutsjedûnsje.


Rjochts in tige fredich tafriel.   Eartiids stie dit stik lân yn 'e winter ûnder wetter en waard brûkt as iisbaan.
Elkenien yn 'e omkriten kende de iisbaan. "Yn 'e lijte" wie de namme. Yn tsjinstelling ta de iisbaan yn Dokkum wie der hjirre ien rjochting om te riden nammentlik mei de klok mei. Men hie dan altiten de kalde wyn yn 'e rêch en ride by de terp del yn 'e smoute. Op 'e iisbaan yn Dokkum wiene, krekt as yn 'e tsjerke, de manlju fan de froulju skieden. De manlju riden mei de klok mei en de froulju tsjin de klok yn.
In bekind reedrider út de jieren 60 wie iene Tsjolle út Wetsens. Ek Tsjolling mocht graach de Alve Stêdentocht ride en dat hat er dan ek dien op 18 jannewaris 1963. Der wie in bepaalde tiid fan riden, nei die tiid waard men tsjinhâlden troch de plysje en mocht men net fierder ride. Mar Tsjolling seach kâns ûnder de earmen fan de plysje troch te riden. It wie nammentlik sa dat frou befalle moast fan in poppe mar Tsjolling woe perfoarst de Alve Stêdentocht riden en ek nog op tiid thús wêze en hy is dêryn slagge. Mei grutte koppen stie yn de kranten : "En de Alve Stêdentocht en in Poppe".
Dit stikje lân hat lykwols noch in opmerklike namme, it waard "tranendal" neamd omt de folle triennen by begraffenissen.   Efter de beammen en boppe op 'e terp is de tsjerke mei it tsjerkhôf.   Der wie in paad fan it oanbuorjend Ealsum nei de tsjerke en dêrearne leit ûnder de grûn noch de stiennen trep nei de tsjerke.


Wy ferfolgje ús kuier troch it moaie Wetsens.






Foar Joost's ferhuzing
Rjochts
de pleats fan Joost
Links
de moderne kostal
Nei Joost's ferhuzing






By Edwins hûs hearre wy it mûsyk fan de Bazuin ûnder in ynsamling. Hjir begjint it paad nei tsjerke.

Ah, dêr is Johannes (hy wennet wat fierder), mei inkelde bern.


Fierder geand sjogge wy Teake en syn famylje yn 'e tún. Teake hat syn hûs renoveare en hat in protte sels oanboud.